Sir Alex Ferguson me Gangnam Style (video)

Bukuresht, 25 dhjetor – Personazh i një montazhe të hitit të këngës “Gangnam Style”, është bërë edhe trajneri i ekupit anglez, Manchester United, Ser Alex Ferguson.Në video Ferguson ndihmohet edhe nga disa lojtarë të Manchester United duke mos përjashtuar edhe gjyqtarin Howard Webb.

Read More

Kujt ia ka kënduar Floriani këngën "Ngjyra e Kuqe"? (video)

Shkup, 25 dhjetor - Floriani të cilit i thonë "i vogël" ndoshta edhe është dhe do jetë i tillë për një kohë, por qysh tani, si një "Bieber" shqiptar, po çmend vajzat kudo që shfaqet. Por, vetë ai, ka zbuluar se ka në mendje një vajzë të veçantë të cilës ai i këndon.

Derisa të gjithë flisnin për këngën "Ngjyra e Kuqe" që Adriani ia kishte dedikuar Luana Vjollcës, atëkohë nuk na shkonte mendja se edhe Floriani i vogël, ka një vajzë të cilës ai ia kishte dedikuar këtë këngë.

Dhe vajza që ka rrëmbyer zemrën e Florianit të vogël është këngëtarja e re dhe e ëmbël Enca Haxhia, e cila poashtu është një vajzë që pëlqen ngjyrën e kuqe, madje shpesh duke i lyer edhe flokët me këtë ngjyrë.

Ndryshe nga Adriani i cili mohonte Luanën në këngë, Floriani është më i guximshëm dhe ia thotë Ences në sy.

"Enca, ta kam kënduar ty këngën 'Ngjyra e Kuqe'" është rrëfyer Floriani, derisa Enca po bënte regjistrimin e videos në celularin e saj, e që asaj i pëlqeu dhe me pastaj e hodhi në kanalin e saj zyrtar në Youtube. 

Read More

United i ka të hollat për Ronaldon

Manchester United besohet se i ka siguruar të hollat për një rikthim të Cristiano Ronaldos në Old Trafford.

Zyrtarët e Realit kanë biseduar jozyrtarisht me ata të Unitedit mbi transferin e Ronaldos, teksa besohet se shuma e kërkuar është jo më pak se 150 milionë euro.
The Sun shkruan se Manchester United i ka të gjitha paratë e duhura për të financuar kalimin e portugezit sensacional.
Cristiano Ronaldo luajti gjashtë vjet për Manchester Unitedin, duke fituar çdo trofe të mundshëm me klubin nga Old Trafford, ku e fitoi edhe Topin e Artë. 

Read More

Modelja shqiptare zhvishet në plazhet greke (Foto)

Eliada Ahmeti është shqiptarja e famshme, e cila qe shtatë vite merret me modelim dhe para disa viteve fitoi edhe kurorën “Miss Playmate Greece”. Pas këtij suksesi, ajo filloi me kontrata pune në Turqi, Francë dhe disa vende të tjera evropiane, kështu që trupi i bukur i saj i hapi dyert e suksesit.

Krahas modelimit, bukuroshja merret njëkohësisht edhe me këshilla bukurie, duke punuar në një qendër shëndeti dhe fitnesti ”Dietology” si institut bukurie në Athinë.

“Bukuria është diçka shtazarake, nëse nuk shoqërohet edhe me mençuri”, ka thënë ajo në një intervistë për mediat greke.

Panorama njofton se ajo për momentin ka ndërprerë kontratat e punës si modele dhe udhëheq një program televiziv jo shumë të shikuar. Gjithashtu, pjesë e performancës së saj janë edhe fotosesionet nga të cilat nuk ndahet aspak.

Së fundi, Eliada është fotografuar e zhveshur në një plazh nudo në Greqi. Madje, në disa raste ajo edhe ka pozuar e zhveshur krejtësisht për të treguar kështu linjat e saja seksi me anë të të cilave ka bërë për vete publikun atje.

Read More

Viti 2013 do të jetë shumë i nxehtë

Temperaturat globale në vitin e ardhshëm do të jenë për 0.57 shkallë mbi mesataren afatgjate prej 14 shkallësh Celsius, për çfarë viti 2013 do të jetë njëri nga vitet më të nxehta që mbahen në mend.

Kështu raporton agjencia Reuters, duke u thirrur në të dhënat që ka publikuar Shërbimi Meteorologjik i Britanisë.

“Është shumë e mundur që 2013-a të jetë njëri nga 10 vjetët më të nxehtë qysh prej 1850-ës, edhe më i nxehtë se 2012-ta”, raporton Reuters.

Read More

I vdekuri te lumi Ibër – nga Tirana

Mitrovicë, 20 dhjetor- Auron (Ibrahim) Cara (1968), banor i Republikës së Shqipërisë, me vendbanim në Tiranë është personi që është gjendur i vdekur në parkun e qytetit të Mitrovicës, afër lumit Ibër. Identifikimi i kufomës është bërë nga familjarët e tij pas publikimit të fotove në media. Zëdhësni i policisë për rajonin e Mitrovicës Besim Hoti, ka theksuar se trupi i pajetë i personit të gjetur më 9 dhjetor, 2012, në Mitrovicë, identifikohet pozitivisht nga familjarët e tij. Viktima, është identifikuar si Auron (Ibrahim) Cara (1968), banor i Republikës së Shqipërisë, me vendbanim në Tiranë. Policia e Kosovës ka mësuar se i njëjti ishte lajmëruar si person i humbur në Policinë e Tiranës, më datë 7 dhjetor, 2012. Hetuesit policor të sektorit për krime të rënda në rajonin e Mitrovicës, janë duke zhvilluar hetimet e autorizuara për të përcaktuar rrethanat e vdekjes së viktimës ndërsa ende janë në pritje të raportit zyrtar të ekspertit mjekoligjor pas obduksionit, për të përcaktuar shkaktarin e vdekjes.

Read More

Arkeologët: Populli Maya nuk parashikoi apokalips

Washington, 20 dhjetor - Interneti ka qenë plot thashetheme se bota do të marrë fund, ose të paktën do të transformohet, të premten më datë 21 dhjetor kur përfundon kalendari 5125-vjeçar i fiseve Maya, transmeton “Zëri i Amerikës”. Por arkeologët thonë se thashethemet janë pa bazë: Mayat e lashtë nuk parashikonin ndonjë apokalips. Në muzeun e arkeologjisë së Universitetit të Pensilvanisë në Filadelfia, një ekspozitë synon të sjellë të vërteta lidhur me kalendarin Maya si dhe me perceptimin e kohës nga ana e tyre.

 Ekspozita Maya 2012 përshëndet vizitorët me imazhe imagjinare të apokalipsit.

Loa Traxler është kuratore e ekspozitës dhe specialiste e qytetërimit Maya.

Ajo thotë se tërmetet, përmbytjet dhe ngjarjet e tjera kataklizmike ndodhin dhe do të vazhdojnë të ndodhin, por...

"Asgjë e tillë nuk është parashikuar nga Mayat e lashtë për 21 dhjetorin."

Zonja Traxler thotë se parashikimet janë në të vërtetë produkt i një shqetësimi të kohëve moderne rreth fundit të botës.

"Autorët dhe blogerët sot duan të pohojnë se ekzistonte një urtësi e lashtë dhe profeci të lashta të popullit Maya para pushtimit spanjoll, që na tregojnë se fundi është pranë, se këto gjëra dramatike dhe shkatërrimtare do të ndodhin së shpejti. Por Mayat nuk bënë asnjë lidhje mes këtyre dukurive dhe cikleve të tyre kalendarike."

Ajo thotë se ata thjesht pëlqenin t’u jepnin kuptim numrave.

"Ata krijuan një sistem kalendarik shumë të sofistikuar dhe shumë të përqëndruar tek paraqitja e kontekstit për historitë dhe biografitë e tyre si dhe për ngjarjet e tyre të përditshme."

Koha matej me baktunë, që janë cikle prej 400 vjetësh. Baktuni i fundit është duke përfunduar tani. Por arkeologia Traxler thotë se kalendari thjesht fillon përsëri.

"Është si rrugëmatësi i makinës. Numërimi nis nga fillimi."

Ekspozita paraqet më shumë se 150 objekte, duke përfshirë një kolonë që përkujton herën e fundit të rifillimit të ciklit kalendarik.

Lidhja mes kalendarit Maya dhe atij Gregorian mund të shihet në këtë ekran.

Në ekspozitë ka edhe elementë interaktivë. Aty mund të krijohen histori të ngjashme me ato në kolonë duke vendosur datëlindjen dhe duke zgjedhur një emër Maya. Rezultati shtypet në letër. Por a besojnë vizitorët e muzeut se bota do të përfundojë?

"Mendoj se një mundësi ekziston. Por unë shpresoj që të mos ndodhë", thotë një prej tyre.

"Jo. Kalendari përfundon. Kjo periudhë përfundon. Por bota nuk do të përfundojë", thotë një tjetër.

Sipas një ankete të kohëve të fundit, 2 për qind e amerikanëve janë të shqetësuar prej apokalipsit të popullit Maya. Ne të tjerët kemi kohë deri më 13 janar për ta parë këtë ekspozitë

Read More