Është Arsenali skuadra e radhës që ka shprehur interesim për anësorin e Manchester Uniteidt, Luis Nanin, njoftojnë mediat në ishull.Anësori portugez duket gjithnjë e më larg “djajve të kuq”, madje tashmë krerët e këtij klubi janë të gatshëm të shesin ish-futbollistin e Sporting Lisbonës, i cili në verën e vitit 2007 ishte transferuar në “Old traford” për shifrën 14 milionë euro. Reprezentuesi portugez nuk po kalon periudhe të mirë në këtë kampionat tek skuadra e Alex Fergusonit, kështu që largimi i tij është vetëm çështje kohe. Zenit Petersburg dhe PSG ka kohë që janë duke e monitoruar portugezin, por tash në këtë garë është futur edhe Arsenal, skuadër kjo që është e gatshme të shpenzojë 20 milionë euro për Nanin, i cili do të mund të ishte zëvendësues i Theo Welcott, ky i fundit mund ta braktis skuadrën e Arsene Wengerit.
